موٹاپے کے شکار افراد کے لئے بڑی خوشخبری جم لگائیں نہ ورزش بس صرف یہ گیمز کھیلیں وزن کم کریں

منیلا(سی پی پی) فلپائن کے ایک نوجوان مگوئی گیبریل نے اپنی حالیہ فیس بُک پوسٹ میں دعویٰ کیا ہے کہ اس نے صرف ویڈیو گیم کھیل کر ایک مہینے میں اپنا وزن 20 پونڈ کم کرلیا ہے۔ البتہ یہ کوئی عام ویڈیو گیم نہیں بلکہ مشہور کمپنی ’’نائنٹینڈو‘‘ کا بنایا ہوا ’’رنگ فٹ ایڈوینچر‘‘ ہے جو روایتی ویڈیو گیمز سے ہٹ کر ہے۔اگر آپ کو اس کمپنی کا نام یاد نہیں آرہا تو بتاتے چلیں کہ ’’ماریو برادرز‘‘ اور ’’سپر ماریو‘‘ جیسے مشہور گیمز اسی کمپنی نے بنائے تھے جو آج تک مقبول ہیں۔
لیکن اس کمپنی کا نیا ویڈیو گیم ’’رِنگ فِٹ ایڈوینچر‘‘ سابقہ روایات سے بالکل مختلف ہے کیونکہ اسے کرسی یا صوفے پر بیٹھ کر کھیلا نہیں جاسکتا بلکہ کھلاڑی کو گیم کھیلتے دوران کھڑے رہنا پڑتا ہے جبکہ ورزشی انداز میں اچھل کود اور حرکت کرنی پڑتی ہے۔

اس خبر پر اپنی رائے کا اظہار کریں