مالنگا نے کپتانی چھوڑنے کی دھمکی کیوں دی وجوہات جانئے

کولمبو(سی پی پی)سری لنکا ٹیم میں اختلافات ، لسیتھ مالنگا نے کپتانی چھوڑنے کا عندیہ دیتے ہوئے کہا ہے کہ میں کسی بھی وقت قیادت سے مستعفی ہونے کو تیار ہوں۔تفصیلات کے مطابق بھارت میں 3 ٹوئنٹی 20 میچز کی سیریز میں 0-2 سے شکست کے بعد سری لنکا ٹیم میں اختلافات کی خبریں سامنے آنے لگیں. گذشتہ روز مالنگا نے بھارت کے ہاتھوں شکست کی ذمہ داری قبول کی تھی، وہ دونوں میچز میں ایک بھی وکٹ حاصل نہیں کرپائے تھے. وطن واپسی پر بھی انھوں نے میڈیا سے بات چیت بھی انھوں نے ذمہ داری قبول کی تاہم ساتھ میں واضح کیا کہ سری لنکا کے بولرزحریف ٹیم کو کم ٹوٹل پر محدود کرنے میں کامیاب نہیں ہوسکے جبکہ بیٹسمین بھی بڑا اسکور بنانے میں ناکام رہے۔انھوں نے کہا کہ ایسی ٹیم جوکہ عالمی رینکنگ میں نویں نمبر پر ہو، اس سے فوری فتوحات کی امید بھی نہیں کی جاسکتی۔ مالنگا نے واضح کیا کہ وہ ٹیم کی خراب کارکردگی کی ذمہ داری قبول کرنے اور کسی بھی وقت مستعفی ہونے کو تیار ہیں۔ یاد رہے کہ لسیتھ مالنگا کی ہی قیادت میں سری لنکا نے 2014 میں ٹی 20 ورلڈ کپ جیتا تھا اور وہ 2016 تک اس ذمہ داری پر قائم رہے، بعد ازاں انھیں دسمبر 2018 میں حیران کن طور پر اس وقت کپتان بنایا گیا جب وہ ٹیم کا حصہ بھی نہیں تھ

اس خبر پر اپنی رائے کا اظہار کریں