آرمی چیف جنرل قمر جاوید باجوہ لاہور پہنچ گئے کور ہیڈکوارٹر لاہور کا دورہ ،ریٹائرڈ اور حاضر سروس سینئر فوجی افسران سے ملاقات

لاہور: (سی پی پی) پاک فوج کے سپہ سالار جنرل قمر جاوید باجوہ نے لاہور کا دورہ کیا ۔آئی ایس پی آر کے مطابق آرمی چیف جنرل قمر جاوید باجوہ لاہور پہنچ گئے، جہاں انہوں نے کور ہیڈکوارٹرز لاہور میں حاضر سروس اورریٹائرڈ فوجی افسران سے ملاقات کی۔ آئی ایس پی آر کے مطابق سابق عسکری قیادت میں جنرل ریٹائرڈ جہانگیر کرامت، جنرل ریٹائرڈ احسن سلیم، جنرل ریٹائرڈ طارق مجید، جنرل ریٹائرڈ احسن سلیم حیات، جنرل ریٹائرڈ راشد محمود، جنرل ریٹائرڈ راحیل شریف بھی ملاقات میں شریک تھے۔ اس موقع پر آرمی چیف جنرل قمر جاوید باجوہ نے پیشہ ورانہ امور اور خطے کی سیکیورٹی صورتحال پر اظہارخیال کیا۔ انہوں نےامن و استحکام کیلئے کوششوں، اس کے ثمرات سمیت درپیش چیلنجز اور مواقع پر بھی روشنی ڈالی۔

اس خبر پر اپنی رائے کا اظہار کریں